யாருக்கு சொந்தம் ?

பாடலை வடித்தவன்
கவிஞன் .... அதன்
பெருமையை அறிந்தவன்
ரசிகன் ...!

காக்கைக்கும்
தன் குஞ்சு
பொன் குஞ்சு ..

ஆம்!

படைத்தவனுக்குக் காக்கை ....
படித்தவனுக்கோ குயில் !

எழுதிய கவிஞன் இல்லையென்றால்
பாடல் பிறந்திருக்க முடியாது ...

பழகிய ரசிகன் இல்லையென்றால் -அது
பிறந்ததில் பொருளே கிடையாது !

பாடலுக்கு யாருடன்
அதிக உறவு ?

கவிஞனுடனா?
ரசிகனுடனா?

ஒரு பறவையின் பாடல்

எனக்கும்
இறக்கைகள் உண்டு
என்பதையே மறந்திருந்தேன் ...

ஏன் எனக்கு
பறக்க கற்றுதந்தாய் ?

விண்ணிலே நாம் பறந்த
வினோத கணங்களை
கண்ணீருடன் நினைக்கிறேன்
இன்று ...

நினைத்த பொழுதில்
சிறகடித்து செல்ல
நீயோ சுதந்திர பறவை ...

கூண்டின் கதவு வழி
கண் தெரியும் வானம் ...

இயலாமையுடன் வெறிக்கிறேன் -என்
இறக்கைகளே சுமையாக . . .!